Օգոստոսի 6` «Սփյուռքահայ երիտասարդ առաջնորդների ամառային դպրոց»-ի շրջանակներում «Հայաստանի երիտասարդական կազմակերպությունների հավաք կլոր-սեղան»Հարգելի երիտասարդական կազմակերպություններ,
ՀՀ Սփյուռքի նախարարությունը եւ «Սերունդ Համահայկական Երիտասարդական Կենտրոն»-ը սիրով հրավիրում են ս/թ օգոստոսի 6-ին` մասնակցելու «Սփյուռքահայ երիտասարդ առաջնորդների ամառային դպրոցի» շրջանակներում կազմակերպվող «Հայաստանի երիտասարդական կազմակերպությունների հավաք կլոր-սեղան»-ին:
Հանդիպման շրջանակներում Հայաստանի երիտասարդական կազմակերպությունները կներկայացնեն իրենց կառույցն ու գործունեությունը, կարող են հանդես գալ սփյուռքի կազմակերպությունների հետ համագործակցության առաջարկներով: Կխոսվի պետական երիտասարդական քաղաքականության ներկայիս և հետագա զարգացման միտումների, կառույցների եւ ծրագրերի մասին:
Հանդիպմանը ներկա գտնվելու համար` անհրաժեշտ է ուղարկել Ձեր ՀԿ-ի գործունեության հակիրճ նկարագիրը եւ կոնտակտային տվյալները, մեկ նամակ, թե ինչո՞ւ եք ցանկանում մասնակցել եւ ի՞նչ ներդրում կարող եք ունենալ սփյուռքահայության կապերի զարգացման եւ ամրապնդման գործում:
Հայտերի ընդունման վերջնաժամկետն է` օգոստոսի 2-ը, ժամը 24:00-ն:
Հանդիպման վայրի եւ ժամի մասին կտեղեկացվեն այն կազմակերպությունները, որոնց մասնակցությունը կհաստատվի:
Հայտերն ընդունվում են առցանց տարբերակով` jkazumyan@gmail.com հասցեով` վերնագրում նշեք «Հայաստանի երիտասարդական կազմակերպությունների հավաք կլոր-սեղանի հայտ» եւ ուղարկեք նամակի կրկնօրինակը (Cc-ն)` defrariksmg@rambler.ru հասցեին:
Հարցերի եւ այլ տեղեկատվության համար կարող եք զանգահարել`055 545 547, 098 60 16 60 կամ 055 58 05 22 հեռախոսահամարներով:
Այս իրադարձությունը կարեւոր գործնական հնարավորություն է յուրաքանչյուր երիտասարդական կառույցի զարգացման եւ ընդլայնման համար:
Ուստի ողջունելի է Ձեր ներկայությունն ու ակտիվությունը:
Կազմակերպիչ`
Ծրագրի պատասխանատու`
«Սերունդ Համահայկական Երիտասարդական Կենտրոն»
