Georgia, Airtime training 19-24.07.2015

Հուլիսի 19-24-ը Վրաստանի մայրաքաղաք Թբիլիսիում տեղի ունեցավ «Կովկասյան թրեյնինգ»՝ Microwav.fm -ի հարթակում գտնվող առցանց ռադիոների ակտիվ անդամների մասնակցությամբ: «Երիտասարդությունը հանուն Երիտասարդության» ռադիոյից ներկա էին Մեդիայի համաղեկավար Պայծառ Հակոբյանը և լրագրողներ՝ Էլեն Խաչատրյանն ու Աննա Սարդարյանը: Թրեյնինգի ընթացքում մեր ներկայացուցիչները ծանոթացան վրաստանյան մեր գործընկերների, ինչպես նաև չեխական Սոուրսֆաբրիք կազմակերպության ներկայացուցիչների հետ: Յուրաքանչյուր օր առլեցուն էր հետաքրքիր, ինտերակտիվ դասընթացներով: Քննարկվեցին առցանց ռադիոյի առավելությունները և դրանք գործնականում կիրառելու հմտությունները: Ինչպես նաև առանձնահատուկ ուշադրություն դարձվեց թերություններին, որոնք փորձառու մասնագետների խորհուրդների արդյունքում չեզոքացվեցին, իսկ բոլոր առկա խնդիրները արագ լուծում ստացան: Մյուս կարևոր քայլը Վրաստանում գործող առցանց ռադիոների և նրանց ներկայացուցիչների հետ ծանոթացումն էր: Հայ-վրացական համատեղ նախագծերի և միասին համագործակցելու նոր գաղափարների հրավառություն էր 4-րդ օրը: Այս թրեյնինգի արդյունքում փորձի փոխանակումը, վրացական առցանց ռադիոյին ծանոթացումը, բոլոր հնարավոր ու հետաքրքիր նախագծերի պլանավորումն ու դրա իրագործման քայլերը՝ արդեն Հայաստանում քննարկելը, եղան մեր Մեդիա թիմի ռազմավարական կարևոր ձեռքբերումները: