«Սերունդ ՀԵԿ»-ում կա այսպիսի մի ավանդույթ․ ընտրված մասնակիցները պարտավորվում են իրականացնել մի շարք ծրագրեր՝ ներկայացնելով իրենց գործունեությունը Սերունդում, կենաց են ասում և մեկ գավաթ նռան գինին ամբողջությամբ ըմպում։ Ղեկավար պաշտոններում ընտրված անդամներն էին Մարիամ Իսայանը, Կարինե Բրսոյանը և Պայծառ Հակոբյանը։ Մեր մասնակիցները արդեն իսկ Սերունդում ծավալել են իրենց դրական գործունեությունը, մասնակցել են տարբեր երկրներում կազմակերպված ծրագրերի ու միջոցառումների և պատվով ներկայացրել մեր երկիրը։
Ղեկավար պաշտոններին անցած անդամները խոսեցին իրենց հետագա քայլերի և գործունեության մասին։
Մարիամ Իսայան (Սերունդ ՀԵԿ-ի Գիտելիքների և ներուժի զարգացման վարչության ղեկավար)- Առաջիկայում նախատեսում եմ ամուր համագործակցություն ստեղծել վարչության բաժինների միջև, օժանդակել գիտաքաղաքական ծրագրերի կազմակերպմանը, իրականացնել հայկական մշակութային արժեքների վերաբերյալ գիտելիքների հարստացմանը նպաստող միջոցառումներ, բարձրացնել վարչության աշխատանքի արդյունավետությունը։
Կարինե Բրսոյան (Սերունդ ՀԵԿ-ի Տեղեկատվական և քարոզչական բաժնի համաղեկավար)- Այժմ փորձում եմ իմ թիմը՝ տեղեկատվական և քարոզչական բաժինը զարգացնել, google և facebook-յան խմբերը համալրել, կայքի դիզայնի վրա աշխատել։ Քանի որ այս պահին իմ թիմը սակավաթիվ է, հաջորդ քայլս կլինի նոր անդամներով մեր շարքերը համալրելը։
Պայծառ Հակոբյան (Սերունդ ՀԵԿ-ի Երիտասարդությունը հանուն երիտասարդության Մեդիա կենտրոն բաժնի համաղեկավար)- Ջանք չեմ խնայել ու չեմ խնայի Մեդիա կենտրոնի զարգացման համար։ Շատ նպատակներ կան, բայց առաջ չանցնեմ։
Դե ինչ, բաժակները լցված են, կենացները՝ խմված, մնում է սպասել նորընտիր ղեկավարների գործունեոթւյանը:
Դե ինչ, բաժակները լցված են, կենացները՝ խմված, մնում է սպասել նորընտիր ղեկավարների գործունեոթւյանը:
Աննա Սարդարյան
