«Սերունդ Համահայկական Երիտասարդական Կենտրոնի» և Ռուսաստանի գիտության և մշակույթի կենտրոնի հետ համատեղ իրականացվող «Հանրային և դիվանագիտության դպրոցի ՌԳՄԿ-ին կից» առաջին բաց դասը տեղի ունեցավ մայիսի 25-ին Ռուսաստանի գիտության և մշակույթի կենտրոնում։ Բաց դասերը նպատակ ունեն ունկնդրի մոտ ձևավորել նախնական պատկերացում դպրոցում ուսուցանվող 6 մոդուլների վերաբերյալ, ինչպես նաև հնարավորություն ընձեռել ուղղել իրենց հարցերը ինչպես դպրոցի կազմակերպիչներին, այնպես էլ բանախոսներին։
Ռուսաստանի գիտության և մշակույթի կենտրոնի տնօրեն Մարկ Կալինինն իր բացման խոսքում նշեց, որ հանրային դիվանագիտությանն ու «փափուկ ուժին» վերաբերող թեմաներն իսկապես արդիական են և կարևորեց նմանատիպ միջոցառումների անցկացումն ու հայ երիտասարդների մասնակցությունն այդ միջոցառումներին։ Նա նաև նշեց, որ լավագույն գաղափարներն ու նախաձեռնությունները միշտ էլ իրենց ուշադրության կենտրենում են գտնվում:
Առաջին բաց դասը վարում էր «Երևանի աշխարհաքաղաքական ակումբի» ղեկավար Արման Բոշյանը: Հանդիպման թեման էր` «Հասարակության և հասարակական գործընթացների վրա ազդելու մեթոդները»: Բանախոսն իր ելույթում անդրադարձավ կառավարման տեսությանն ու ոչ կառուցվածքային կառավարմանը, ԶԼՄ-ների դերակատարությանը տեղեկատվության տարածման գործընթացում և այլն: Բաց դասի մասնակիցները նաև հնարավորություն ունեցան բանախոսին ուղղել իրնեց հուզող հարցերը:
Հանդիպման ավարտին «Հանրային և դիվանագիտության դպրոցի ՌԳՄԿ-ին կից» ղեկավար Տիգրան Շադունցը ներկայացրեց դպրոցի կազմակերպիչներին, 6 հիմնական մոդուլները, հայտագրման և հավաստագրման գործընթացները, ինչպես նաև առաջիկա երկու բաց դասերի թեմաներն ու բանախոսներին:
«Հանրային և դիվանագիտության դպրոցի ՌԳՄԿ-ին կից» մասին լրացուցիչ տեղեկատվություն ստանալու աղբյուրներ:
Photos:
https://www.facebook.com/media/set/?set=oa.1553297568305299&type=1
Դպրոցի մասին ընդանուր տեղեկատվություն`
հայերեն
http://www.serundpyc.com/2016/05/blog-post.html
ռուսերեն
http://www.serundpyc.com/2016/05/blog-post_19.html
Դպրոցի Facebook խումբ`
https://www.facebook.com/groups/1551282911840098/
«Հանրային և դիվանագիտության դպրոցի ՌԳՄԿ-ին կից» մասնակցի գրանցման հայտի հղում`
https://docs.google.com/forms/d/1PRDH1qMlEhzQmbtgIkwqyN4pj9Ib9FPHnT4m_8ukL6M/viewform
